referatur

Discretiva

referatur dictio est in variis linguis:

Formae affines

Latine

Proprietates grammaticales

Forma	Persona	Tempus	Vox	Modus	Verbum
referātur	tertia singularis	praesens	passiva	coniunctivus	referō (referre)

Appellatio pronuntiatusque

API: /refeˈraːtur/

(classice)

Syllabificatio phonetica: re·fe·rā·tur — morphologica: re-fer-atur

Loci

M. Tullius Cicero -106…-43	Vitruvius ca. -80…-20	Titus Livius -58…+17	P. Ovidius Naso -42…+18	Velleius Paterculus ca. -20…+35	Lucius Annaeus Seneca -3…+65	M. Fabius Quintilianus ca. 35-100	Aurelius Augustinus Hipponensis 354-430	Anicius Manlius Torquatus Severinus Boetius ca. 480-525	Isidorus Hispalensis 560-636	Iordanus Brunus Nolanus 1548-1600
class.	class.	class.	class.	class.	class.	I	IV	VI	VII	XVI

Latinitas Romana

class.  (45 a.C.n.)

• si ad corpus pertinentibus, rationes tuas te video compensare cum istis doloribus, non memoriam corpore perceptarum voluptatum; sin autem ad animum, falsum est, quod negas animi ullum esse gaudium, quod non referatur ad corpus. —De finibus bonorum et malorum Ciceronis

class.  (ca. 30/22 a.C.n.)

• Troclea in summo capite machinae rudenti contineatur, et ex eo funis perducatur ad palum et quae est in palo trocleam inligata. Circa eius orbiculum funis indatur et referatur ad eam trocleam, quae erit ad caput machinae religata. —De architectura Vitruvii

class.

• Confestim ad aliud sacrificium eidem divae ab decemviris edicta dies, cuius ordo talis fuit: ab aede Apollinis boves feminae albae duae porta Carmentali in urbem ductae; post eas duo signa cupressea iunonis Reginae portabantur; tum septem et viginti virgines, longam indutae vestem, carmen in iunonem Reginam canentes ibant, illa tempestate forsitan laudabile rudibus ingeniis, nunc abhorrens et inconditum, si referatur. —Ab urbe condita Titi Livii

class.  (12-16 p.C.n.)

• Da mihi, si quid ea est, hebetantem pectora Lethen,

oblitus potero non tamen esse tui,

idque sinas, oro, nec fastidita repellas

verba nec officio crimen inesse putes,

et levis haec meritis referatur gratia tantis;

si minus, invito te quoque gratus ero. —Epistulae ex Ponto Ovidii Nasonis

class.

• Longum est narrare, quid et quotiens ausus sit, quanto opere conata eius qui obtinebat Asiam magistratus populi Romani metu suo destituerit. Illud referatur documentum tanti mox evasuri viri: quae nox eam diem secuta est, qua publica civitatium pecunia redemptus est, ita tamen, ut cogeret ante obsides a piratis civitatibus dari, et privatus et contracta classe tumultuaria invectus in eum locum, in quo ipsi praedones erant, partem classis fugavit, partem mersit, aliquot navis multosque mortalis cepit; —Historiae Romanae Vellei

class.

• Nam quemadmodum ille, si enixam et sedulam operam transire pro irrita patitur, cui gratia referatur, indignus est, ita tu ingratus es, nisi ei, qui voluntatem bonam in solutum accipit, eo libentius debes, quia dimittens. —De beneficiis Senecae

saec. I.  (ca. 90-96 p.C.n.)

• His etiam ceteri status contineri dicuntur, quia et quantitas modo ad coniecturam referatur, ut maiorne sol quam terra? modo ad qualitatem, quanta poena quempiam quantove praemio sit affici iustum? —Institutio oratoria Quintiliani

Latinitas postclassica

saec. IV.

• Denarius numerus potest significare universitatis scientiam. Quae si ad interiora et intelligibilia referatur, quae senario numero significantur, fit quasi decies sexies, quod est sexaginta: si ad terrena et corruptibilia, quae octonario numero significari possunt, fiunt decies octies, quod est octoginta. —De diversis quaestionibus Augustini

saec. VI.

• Sit enim dispositio hoc modo: Si igitur quinarii numeri ad ternarium comparatio consideretur, erit superpartiens ille qui vocatur superbipartiens. Habet enim quinarius totos in se tres, et eorum duas partes, id est 2. Si vero ad secundum ordinem speculatio referatur, supertripartiens proportio cognoscetur, atque in sequentibus per omnes dispositos numeros, omnes in infinitum species huius numeri convenientes ordinatasque respicies. —De institutione arithmetica Boetii

Latinitas mediaevalis

saec. VII.

• Ad mores, ut apud Horatium mus loquitur muri et mustela vulpeculae, ut per narrationem fictam ad id quod agitur verax significatio referatur. —Etymologiarum libri XX Isidori Hispalensis

Latinitas nova

saec. XVI.

• Si quid vero habet naturam carentem ordine: ad aliud ordinatum referatur: atque innitatur: quod quidem semper esse debet aliquod sensibile: quamobrem non temere a ratiocinativo philosopho dicitur ordinem propria natura sensibilium esse: et non cognoscit ipsum extra margines naturae. —Ars memoriae Iordani Bruni