Si autem dicunt quiaiudaizamus, dicant similiter Christum iudaizasse. Et si audent asserere Christum propter iudaismum, ut praeceptum de azimo datum servaret, de azimo corpus suum fecisse: absurdissime errant, cum illum tam sinceram novitatem infecisse fermento vetustatis existimant. ... [III.] Quodautemaiunt nos iudaizare non est verum, quia non sacrificamus de azimo ut legem veterem servemus, sed ut hoc diligentius fiat, et dominum qui hoc non iudaizando fecit imitemur. Cumenim facimus aliquid quod Iudaei, utiudaismum servarent, faciebant, non iudaizamus, sinon propter iudaismum, sed propter aliam causam hoc agimus. Sienim in diebus Paschae azimum panem aliquis comedit - sivequia non habet alium, sivequiamagis illo delectatur quam fermentato -, aut siquis propter infirmitatem praeputium circumcidere cogitur, aut si bovi suo quis trituranti ne esuriat os non obturat: nullusnisi insipiens haec agentem iudaizare iudicabit. Anselmus Cantuariensis, Epistula de sacrificio azimi et fermentati.
