cervicis

E Victionario
Jump to navigation Jump to search

Discretiva

Trisambig poseidon.jpg cervicis dictio est in variis linguis:

Formae affines[+/-]

Latine[+/-]

Proprietates grammaticales[+/-]

Forma Modus flexurae originis
cervīcis casus genitivus singularis substantivi cervīx

Appellatio[+/-]

Loudspeaker red.svgAPI: /kerˈwiːkis/(classice)
Syllabificatio phonetica: cer·vī·cis — morphologica: cervic-is

Loci[+/-]

Publius Vergilius Maro
-70…-19
P. Ovidius Naso
-42…+18
Aulus Cornelius Celsus
ca. -25…+50
Lucius Annaeus Seneca
-3…+65
Quintus Curtius Rufus
fl.c.50
L. Iunius Moderatus Columella
ca. 4-70
C. Plinius Secundus
23-79
Apuleius
ca. 125-170
Aurelius Augustinus Hipponensis
354-430
Franciscus Petrarca
1304-1374
antiq. class.class.class.class. III II III IV V VI VII VIII IX X XI XII XIII XIV XV XVI XVII XVIII XIX XX XXI

Latinitas Romana

class.  (ca. 37-30 a.C.n.)

  • Sin ad bella magis studium turmasque ferocis,
aut Alphea rotis praelabi flumina Pisae
et Iovis in luco currus agitare volantis,
primus equi labor est animos atque arma videre
bellantum lituosque pati, tractuque gementem
ferre rotam et stabulo frenos audire sonantis;
tum magis atque magis blandis gaudere magistri
laudibus et plausae sonitum cervicis amare. —Georgicon libri IV P. Vergilii Maronis [1][2]

class.  (8-12 p.C.n.)

  • navita confessus gelidum pallore timorem,
iam sequitur victus, non regit arte ratem.
utque parum validus non proficientia rector
cervicis rigidae frena remittit equo,
sic non quo voluit, sed quo rapit impetus undae,
aurigam video vela dedisse rati. —Tristia Ovidii Nasonis [3]

class.  (ca. 30 p.C.n.)

  • Quod ad abstinentiam vero et primos ulterioresque cibos potionesque pertinet, eadem, quae in vulneribus praecepi, servanda sunt, eo magis, quo periculosius haec pars adficitur. Quin etiam, cum iam non solum sustineri sed ali is quoque oportebit, tamen erunt vitanda, quaecumque mandenda sunt; item fumus et quicquid excitat sternumentum. Spem vero certam faciunt membrana mobilis ac sui coloris, caro increscens rubicunda, facilis motus maxillae atque cervicis. —De Medicina Celsi [4][2]

class.  (62-65 p.C.n.)

  • Corpora opima taurorum exiguo concidunt vulnere et magnarum virium animalia humanae manus ictus impellit; tenui ferro commissura cervicis abrumpitur, et cum articulus ille qui caput collumque committit incisus est, tanta illa moles corruit. —De providentia Senecae [5][2]

saec. I.

  • Cum hac gente non provisum bellum Alexander gesturus, cum in conspectu eius obequitaret hostis, adhuc aeger ex vulnere, praecipue voce deficiens, quam et modicus cibus et cervicis extenuabat dolor, amicos in consilium advocari iubet. —Historiae Alexandri Magni Curtii Rufi [6][2]

saec. I.

  • In omni genere quadripedum species maris diligenter eligitur, quoniam frequentius patri similior est progenies quam matri. Quare etiam in suillo pecore probandi sunt totius quidem corporis amplitudine eximii, sed qui quadrati potius quam longi aut rotundi sint, ventre promisso, clunibus vastis nec proinde cruribus aut ungulis proceris, amplae et glandulosae cervicis, rostri brevis et resupini, maximeque ad rem pertinet quam salacissimos esse ineuntes. —De re rustica L. Iunii Moderati Columellae [7]

saec. I.  (ca. 78 p.C.n.)

  • septentrio fert et equorum greges ferorum, sicut asinorum Asia et Africa, praeterea alcen iumento similem, ni proceritas aurium et cervicis distinguat; item natam in Scadinavia insula nec umquam visam in hoc orbe, multis tamen narratam achlin haud dissimilem illi, set nullo suffraginum flexu, ideoque non cubantem et adclinem arbori in somno eaque incisa ad insidias capi, alias velocitatis memoratae. —Naturalis historia Plinii [8]

Latinitas postclassica

saec. II.  (ca. 170 p.C.n.)

  • Tunc e re nata suptile consilium ego iste Eubulus tale comminiscimur. Unam, quae ceteris sarcina corporis praevalebat, quasi cibo parandam portamus ad nostrum receptaculum, eiusque probe nudatum carnibus corium servatis sollerter totis unguibus, ipso etiam bestiae capite adusque confinium cervicis solido relicto, tergus omne rasura studiosa tenuamus et minuto cinere perspersum soli siccandum tradimus. —Metamorphoseon libri XI Apulei [9][2]

saec. IV.

  • Nam quid est, quod oculi, labia, lingua, manus, pedes, inflexiones dorsi, cervicis et laterum, ut ad opera sibi congrua moveantur, positum in potestate est, quando ab impedimentis corpus liberum habemus et sanum; ubi autem ventum fuerit ut filii seminentur, ad voluntatis nutum membra in hoc opus creata non serviunt, sed exspectatur ut ea velut sui iuris libido commoveat, et aliquando non facit animo volente, cum aliquando faciat et nolente? —De nuptiis et concupiscentia Augustini [10][2]

Latinitas humanistica

saec. XIV.  (1354-1367 p.C.n.)

  • Dolor: Dure discipulum cervicis instruo.
Ratio: Surdo canis. Sed sic est: hos clamor, hos silentium delectat. Potentissima semper in rebus omnibus consuetudo est; viden ut piscator tacitus, clamosus venator? at clamosior aliquanto schole arbiter quam silve. —De remediis utriusque fortune Petrarcae [11][2]

Fontes

  1. 1.0 1.1 Publius Vergilius Maro - Georgicon libri IV. (Bibliotheca Augustana): Liber III. Versus 186  — cervicis
  2. 2.0 2.1 2.2 2.3 2.4 2.5 2.6 2.7 Vicicitatio: cervicis.
  3. Publius Ovidius Naso - Tristia. (Bibliotheca Augustana): Liber primus, 4, versus 14 — cervicis
  4. 4.0 4.1 Aulus Cornelius Celsus, De Medicina - Libri Octo. (Teubner, Lipsiae MDCCCLIX). Liber octavus, IV. De calvaria fracta. [20] — cervicis
  5. 5.0 5.1 Lucius Annaeus Seneca - De providentia. (Universitas Turicensis):  6, versus 8 — cervicis
  6. 6.0 6.1 Quintus Curtius Rufus - Historiae Alexandri Magni. (Bibliotheca Augustana), Liber VII. Capitulum VII, p. 5 — cervicis
  7. Lucius Iunius Moderatus Columella - De re rustica - Libri XII. ed. V. Lundström. Anno 1902-1917. (The Latin Library): Liber septimus. Caput IX. De suibus [1]  — cervicis
  8. Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber octavus, cap. 16, [39] — cervicis
  9. 9.0 9.1 Apuleius - Metamorphoseon libri XI. (Bibliotheca Augustana): Liber IV. Capitulum XIV. Versus 6 — cervicis
  10. 10.0 10.1 Aurelius Augustinus Hipponensis, De nuptiis et concupiscentia (Universitas Turicensis). Liber secundus. Caput VI, p. 7. — cervicis
  11. 11.0 11.1 Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber II. 41: [De discipulo indocili ac superbo] — cervicis