artificis

Discretiva

artificis dictio est in variis linguis:

Formae affines

Latine

Proprietates grammaticales

Forma	Modus flexurae	originis
artificis	casus genitivus singularis	substantivi artifex

Appellatio pronuntiatusque

API: /arˈti.fi.kis/

(classice)

Syllabificatio phonetica: ar·ti·fi·cis — morphologica: arti-fic-is

Loci

Marcus Terentius Varro -116…-27	Vitruvius ca. -80…-15	Aulus Cornelius Celsus ca. -25…+50	C. Plinius Secundus 23–79	Marcus Valerius Martialis 40–103	Apuleius ca. 125-170	Demetrius Cantemir 1674-1723
class.	class.	class.	I	I	II	XVIII

Latinitas Romana

class.  (ca. 37 a.C.n. / 717 a.u.)

• Itaque in hoc genus coloni potius anniversarios habent vicinos, quibus imperent, medicos, fullones, fabros, quam in villa suos habeant, quorum non numquam unius  artificis  mors tollit fundi fructum. Quam partem lati fundi divites domesticae copiae mandare solent. —De agricultura Varronis

class.  (ca. 30–22 a.C.n.)

• Item Pythagoras normam sine  artificis  fabricationibus inventam ostendit, et quod magno labore fabri normam facientes vix ad verum perducere possunt, id rationibus et methodis emendatum ex eius praeceptis explicatur. Namque si sumantur regulae tres, e quibus una sit pedes III, altera pedes IIII, tertia pedes V, eaeque regulae inter se compositae tangant alia aliam suis cacuminibus extremis schema habentes trigoni, deformabunt normam emendatam. —De architectura Vitruvii

class.  (ca. 30 p.C.n.)

• Verumque est ad ipsam curandi rationem nihil plus conferre quam experientiam. Quamquam igitur multa sint ad ipsas artes proprie non pertinentia, tamen eas adiuvant excitando  artificis  ingenium: itaque ista quoque naturae rerum contemplatio, quamvis non faciat medicum, aptiorem tamen medicinae reddit perfectumque. —De Medicina Celsi

saec. I.  (ca. 78 p.C.n.)

• fecit et puberem Apollinem subrepenti lacertae comminus sagitta insidiantem, quem sauroctonon vocant. spectantur et duo signa eius diversos adfectus exprimentia, flentis matronae et meretricis gaudentis. hanc putant Phrynen fuisse deprehenduntque in ea amorem  artificis  et mercedem in vultu meretricis. —Naturalis historia Plinii

saec. I.  (ca. 85–102 p.C.n.)

• Hoc iacet in tumulo raptus puerilibus annis

Pantagathus, domini cura dolorque sui,

Vix tangente vagos ferro resecare capillos

Doctus et hirsutas excoluisse genas.

Sis licet, ut debes, tellus, placata levisque,

 Artificis  levior non potes esse manu. —Epigrammata M. Valerii Martialis

Latinitas postclassica

saec. II.

• Quid igitur superest ad statuae meae honorem, nisi aeris pretium et  artificis  ministerium? quae mihi ne in mediocribus quidem civitatibus umquam defuere, ne ut Carthagini desint, ubi splendidissimus ordo etiam de rebus maioribus iudicare potius solet quam computare. Sed de hoc tum ego perfectius, cum vos effectius. —Florida Apulei

Latinitas nova

saec. XVIII.  (1714 p.C.n.)

• Ex eius cacumine, quod turris in formam altissime erigitur, rivulus aquae limpidissimae delabitur, magnoque cum fragore per praecipitia devolutus in Tazlov fluvium se coniicit. In medio ipsius statua conspicitur antiquissima, quinque ulnis alta, vetulam ovibus ni fallor XX cinctam referens, e cuius naturali parte, perennis aquae fons profluit. Difficile certe iudicatu, monstravitne hoc in monumento natura suos lusus, an solers  artificis  manus ita efformaverit. —Descriptio Moldaviae Demetrii Cantemir