praeside

Discretiva

praeside dictio est in variis linguis:

Dictiones similes

• Anglice: preside

Formae affines

Latine

praeside

Proprietates grammaticales

Forma	Modus flexurae	originis
praeside	casus ablativus singularis	substantivi praeses

Appellatio pronuntiatusque

API: /ˈprae̯.si.de/

(classice)

Syllabificatio phonetica: prae·si·de — morphologica: prae-sid-e

praesidē

Proprietates grammaticales

Forma	Persona	Tempus	Vox	Modus	Verbum
praesidē	secunda singularis	praesens	activa	imperativus	praesideō (praesidēre)

Appellatio pronuntiatusque

API: /ˈprae̯.si.deː/

(classice)

Syllabificatio phonetica: prae·si·dē — morphologica: prae-sid-e

Loci

Titus Livius -58…+17	P. Ovidius Naso -42…+18	Quintus Curtius Rufus fl. 50	C. Plinius Secundus 23-79	M. Fabius Quintilianus ca. 35-100	Marcus Valerius Martialis 40-103	P. Cornelius Tacitus 55-117	C. Suetonius Tranquillus ca. 70-150	Apuleius ca. 125-170	Aulus Gellius ca. 130-180	Iordanus Brunus Nolanus 1548-1600
class.	class.	I	I	I	I	II	II	II	II	XVI

Latinitas Romana

class.

• Inde patre praeside relicto Collatiae custodibusque datis, ne quis eum motum regibus nuntiaret, ceteri armati duce Bruto Romam profecti. —Ab urbe condita Titi Livii

class.  (12-16 p.C.n.)

• Pontica me tellus, quantis hac possumus ara,

natalem ludis scit celebrare dei.

Nec minus hospitibus pietas est cognita talis,

Misit in has si quos longa Propontis aquas.

Is quoque quo Laevus fuerat sub praeside Pontus

audierit frater forsitan ista tuus. —Epistulae ex Ponto Ovidii Nasonis

saec. I.

• Proinde quoniam nihil aliud ex eo superest, quam quod semper ab immortalitate seducitur, corpori nominique quam primum iusta solvamus haud obliti, in qua urbe, inter quos simus, quali praeside ac rege spoliati. —Historiae Alexandri Magni Curtii Rufi

saec. I.  (ca. 78 p.C.n.)

• fuere sub Divo Augusto semipede addito, quorum corpora eius miraculi gratia in conditorio Sallustianorum adservabantur hortorum; Pusioni et Secundillae erant nomina. eodem praeside minimus homo duos pedes et palmum Conopas nomine in deliciis Iuliae neptis eius fuit, et mulier Andromeda, liberta Iuliae Augustae. —Naturalis historia Plinii

saec. I.  (ca. 90-96 p.C.n.)

• Vt desiderat autem laus quae negotiis adhibetur probationem, sic etiam illa quae ostentationi componitur habet interim aliquam speciem probationis, ut qui Romulum Martis filium educatumque a lupa dicat in argumentum caelestis ortus utatur his, quod abiectus in profluentem non potuerit extingui, quod omnia sic egerit ut genitum praeside bellorum deo incredibile non esset, quod ipsum quoque caelo receptum temporis eius homines non dubitaverint. —Institutio oratoria Quintiliani

saec. I.  (ca. 85-102 p.C.n.)

• Lusus erat sacrae conubia fallere taedae,

Lusus et inmeritos execuisse mares.

Utraque tu prohibes, Caesar, populisque futuris

Succurris, nasci quos sine fraude iubes.

Nec spado iam nec moechus erit te praeside quisquam:

At prius - o mores! - et spado moechus erat. —Epigrammata M. Valerii Martialis

Latinitas postclassica

saec. II.  (ca. 116 p.C.n.)

• Per idem tempus Clitarum natio Cappadoci Archelao subiecta, quia nostrum in modum deferre census, pati tributa adigebatur, in iuga Tauri montis abscessit locorumque ingenio sese contra imbellis regis copias tutabatur, donec M. Trebellius legatus, a Vitellio praeside Syriae cum quattuor milibus legionariorum et delectis auxiliis missus, duos collis quos barbari insederant (minori Cadra, alteri Davara nomen est) operibus circumdedit et erumpere ausos ferro, ceteros siti ad deditionem coegit. —Annales ab excessu divi Augusti P. Cornelii Taciti

saec. II.

• Bellum civile motum a L. Antonio, superioris Germaniae praeside, confecit absens felicitate mira, cum ipsa dimicationis hora resolutus repente Rhenus transituras ad Antonium copias barbarorum inhibuisset. —De vita Caesarum C. Suetoni Tranquilli

saec. II.  (ca. 170 p.C.n.)

• Quas ubi probe protuli, iam et de patria nostra et eius primoribus ac denique de ipso praeside scrupulosissime explorans, ubi me post itineris tam saevi vexationem sensit fabularum quoque serie fatigatum in verba media somnolentum desinere ac necquicquam, defectum iam, incerta verborum salebra balbuttire, tandem patitur cubitum concederem. —Metamorphoseon libri XI Apulei

saec. II.  (ca. 170-177 p.C.n.)

• ‘Cum provinciam’ inquit ‘Africam proconsulari imperio meus dominus obtineret, ego ibi iniquis eius et cotidianis verberibus ad fugam sum coactus et, ut mihi a domino, terrae illius praeside, tutiores latebrae forent, in camporum et arenarum solitudines concessi ac, si defuisset cibus, consilium fuit mortem aliquo pacto quaerere.’ —Noctes Atticae A. Gellii

Latinitas nova

saec. XVI.

• Ibi vel a cubilis intentione ad intentionem atrii et praesidis, vel ab intentione praesidis ad intentionem atrii et cubilis, vel ab atrio ad cubile et praesidem, vel a cubili ad praesidem et atrium, vel a praeside ad cubile et atrium, vel ab atrio ad praesidem et cubile procedere volens, non modo tibi interpretem comparabis, sed et maiorum omniumque (si quos habet Cabala) mysteriorum scrutatorem contemplatoremque te poteris efficere. —Ars reminescendi Triginta sigilli Sigillus sigillorum Iordani Bruni