Centauri

Discretiva

Centauri dictio est in variis linguis:

Formae affines

Latine

Proprietates grammaticales

Forma	Modus flexurae	originis
Centaurī	casus genitivus singularis	nominis Centaurus
Centaurī	casus nominativus pluralis	nominis Centaurus
Centaurī	casus vocativus pluralis	nominis Centaurus

Appellatio

API: /kenˈtau̯.riː/

(classice)

Syllabificatio phonetica: Cen·tau·rī — morphologica: Centaur-i

Loci

T. Lucretius Carus –95…–55	M. Tullius Cicero -106…-43	Publius Vergilius Maro -70…-19	Quintus Horatius Flaccus -65…-8	P. Ovidius Naso -42…+18	Marcus Manilius fl. 14	Lucius Annaeus Seneca -3…+65	C. Plinius Secundus 23-79	Isidorus Hispalensis 560-636	Iordanus Brunus Nolanus 1548-1600
class.	class.	class.	class.	class.	class.	class.	I	VII	XVI

Latinitas Romana

class.

• Sed neque Centauri fuerunt nec tempore in ullo

esse queunt duplici natura et corpore bino

ex alienigenis membris compacta, potestas

hinc illinc partis ut sat par esse potissit.

id licet hinc quamvis hebeti cognoscere corde.

principio circum tribus actis impiger annis

floret equus, puer haut quaquam; nam saepe etiam nunc

ubera mammarum in somnis lactantia quaeret. —De rerum natura Lucretii

class.  (45 a.C.n. / 709 a.u.)

• Nec enim Herculi nocere Deianira voluit, cum ei tunicam sanguine Centauri tinctam dedit, nec prodesse Pheraeo Iasoni is, qui gladio vomicam eius aperuit, quam sanare medici non potuerant. —De natura deorum Ciceronis

class.  (ca. 29-19 a.C.n.)

• In medio ramos annosaque brachia pandit

ulmus opaca, ingens, quam sedem Somnia volgo

Pana tenere ferunt, foliisque sub omnibus haerent.

Multaque praeterea variarum monstra ferarum:

Centauri in foribus stabulant, Scyllaeque biformes,

et centumgeminus Briareus, ac belua Lernae

horrendum stridens, flammisque armata Chimaera,

Gorgones Harpyiaeque et forma tricorporis umbrae. —Aeneidos libri XII P. Vergilii Maronis

class.  (23 a.C.n. / 731 a.u.)

• monte decurrens velut amnis, imbres

quem super notas aluere ripas,

fervet inmensusque ruit profundo

Pindarus ore,

laurea donandus Apollinari,

seu per audacis nova dithyrambos

verba devolvit numerisque fertur

lege solutis,

seu deos regesque canit, deorum

sanguinem, per quos cecidere iusta

morte Centauri, cecidit tremendae

flamma Chimaerae,

sive quos Elea domum reducit

palma caelestis pugilemve equomve

dicit et centum potiore signis

munere donat,

flebili sponsae iuvenemve raptum

plorat et viris animumque moresque

aureos educit in astra nigroque

invidet Orco. —Carminum libri IV Q. Horatii Flacci

class.  (ca. 2-8 p.C.n.)

• Semifer interea divinae stirpis alumno

laetus erat mixtoque oneri gaudebat honore;

ecce venit rutilis umeros protecta capillis

filia Centauri, quam quondam nympha Chariclo

fluminis in rapidi ripis enixa vocavit

Ocyroen: non haec artes contenta paternas

edidicisse fuit, fatorum arcana canebat. —Metamorphoses Ovidii Nasonis

class.

• At, quibus in bifero Centauri corpore sors est

nascendi concessa, libet subiungere currus,

ardentis et equos ad mollia ducere frena

et totis armenta sequi pascentia campis,

quadrupedum omne genus positis domitare magistris,

exorare tigres rabiemque auferre leoni

cumque elephante loqui tantamque aptare loquendo

artibus humanis varia ad spectacula molem. —Astronomicon M. Manilii

class.

• Quare videatur, subiciam: “In rerum,” inquiunt, “natura quaedam sunt, quaedam non sunt. Et haec autem, quae non sunt, rerum natura conplectitur, quae animo succurrunt, tamquam Centauri, Gigantes et quicquid aliud falsa cogitatione formatum habere aliquam imaginem coepit, quamvis non habeat substantiam.” —Ad Lucilium epistulae morales Senecae

saec. I.  (ca. 78 p.C.n.)

• Pollio Asinius, ut fuit acris vehementiae, sic quoque spectari monumenta sua voluit. in iis sunt Centauri Nymphas gerentes Arcesilae, Thespiades Cleomenis, Oceanus et Iuppiter Heniochi, Appiades Stephani, Hermerotes Taurisci, non caelatoris illius, sed Tralliani, Iuppiter hospitalis Papyli, Praxitelis discipuli, Zethus et Amphion ac Dirce et taurus vinculumque ex eodem lapide, a Rhodo advecta opera Apollonii et Taurisci. —Naturalis historia Plinii

Latinitas mediaevalis

saec. VII.

• Thessalia patria Achillis et origo Lapitharum fuit, de quibus fertur quod hi primo equos frenis domuerunt, unde et Centauri dicti sunt. In Thessalia primum solidi aurei facti sunt, domandorum quoque equorum usus primum repertus est. —Etymologiarum libri XX Isidori Hispalensis

Latinitas nova

saec. XVI.

• Cum enim casus a principio innumerabiles rerum compositarum differentias vario contrariorum confluxu produxisset, quaecunque non fuerunt in bona dispositione constituta perierunt, ut ait Empedocles, veluti Centauri, Scyllae et similia, quandoquidem vita unius partis non constabat cum alterius partis vita; remanserunt autem et conservata sunt quae casu impellente apte cohaeserunt. —Libri physicorum Aristotelis explanati Iordani Bruni